Slide show Kojagiri 2011

Slideshow Video Kojagiri 2011

Dance Video Kojagiri 2011

Ganesh Chaturthi 2011

वक्रतुंड महाकाय सूर्यकोटी समप्रभ
निर्विघ्नं करू मे देव सर्व कार्येषु सर्वदा

आपल्या सात्विक रुपाने भुरळ घालणाऱ्या अणि सर्वांच्या आवडत्या गणपती बाप्पाचे ह्या वर्षी गुरुवारी १ सप्टेम्बरला आगमन झाले. सकाळी ८ वाजता नांदेडकर जोडप्याने पारंपरिक पद्धतीने श्री गणेशाची प्रतिष्ठापना केली. कामाचा दिवस असल्यामुळे पूजेला उपस्थित राहु न शकल्यामुळे मंडली उदास होती, परंतू रोज ३ दिवस सकाळी अणि संध्याकाळी आरती असल्यामुले जरा भांड्यात जीव पडला होता !पल्लवीने ह्या वर्षी बाप्प्पा साठी खूपच सुंदर, मनोहर आरास-मखर केली होती. बाप्पाला आराम करायला दोन्ही बाजूस छोटे छोटे २ लोड केले होते. आता पृथ्वीच्या एवढ्या उत्तरेला यायचे म्हणजे आल्यावर आराम नको का बाप्पाला !! संध्याकाळ च्या आरतीला काही नविन मंडली आली होती तेहि चक्क तबला घेउन... धूप-अगरबत्ती, निरांजन, घंटा, तबला, यांच्या संगतीने विविध आरत्या म्हटल्या...अगदी रंगल्या..आम्ही लहान असतो तर त्या ठेक्यावर नाचलोच असतो !! वातावरण एकदम प्रसन्न झाले होते.रोज आरतीला खिरापत,मिठाया,फले,असे विविध नैवेद्य दाखवले जात होते. शनिवारी गणेश विसर्जनाचा दिवस ठरला होता. दुपारी १२ वाजता सर्व मंडली जमाली. त्यामधे बाल गणेशही बरेच होते.काही मंडली च्या एकत्र बसून २१ वेळा श्री अथर्वशिर्शाचे आवर्तानाने वातावरण एकदम मंगलदायी बनले. आरती नंतर श्री गणेशाला श्रीखंड , उकडीचे , तळलेले मोदक असा " खरा " (मोदकांचा ) नैवेद्य दाखविला!!. सर्व मंडळीही मोदकंवर खुश होती! मनसोक्त भोजना नंतर करमणुकीचा कार्यक्रम झाला. अन्ताक्षरी, डम्ब शेराड्स , खेल खेळून नविन चित्रपटांची मात्र नक्कीच ओळख झाली ! ह्या वर्षी अजून एका "असामी " च सहवास आम्हाला लाभला. त्या म्हणजे .." सौ. प्रतिभा मेंढेकर " --मराठी चित्रपटाच्या दिग्दर्शिका ! संपूर्ण दिवसभर त्या सर्वांमधे इतक्या समरस झाल्या होत्या की शेवटी त्यांचे "टायटल" समल्याने सर्वांना आनंद , आश्चर्य आशा मिश्र भावना निर्माण झाल्या..ह्याला "दुग्ध-शर्करा योग" म्हणायला काहीच हरकत नहीं!! त्या स्वतः एक शास्त्रीय गायिका असल्यामुळे आम्ही त्याना गाणे ऐकविण्याची मागणी केली. पण चहाशिवाय गळा मोकळा होईल का? शिवाय इतके साग्रसंगीत जेवण करून गुंगी चढलेल्या शरीरालाही जागे करणे भाग होते.....बरोब्बर. !!---चहापान झाल्यावर "प्रतिभा मेंढेकर " यांनी त्यांच्या मुग्ध स्वरामध्ये सर्वाना रमवून, गुंगवून टाकले. ! संध्याकाळी प्रसाद म्हणून शिवाय आपल्या गोड बातमीमध्ये सहभागी करायला म्हणून प्रतिभा - सचिन ने सर्वाना जिलेबी वाटली. कारणही तसेच होते म्हणा....नुकतेच त्यांच्या घरी "बाल गणेशाचे" आगमन झाले होते!! आरती करून "मंगलमुर्ती मोरया ",पुढच्या वर्षी लवकर या" अशा जयघोषामध्ये बाप्पाचे विसर्जन झाले. पण ह्या ३ दिवसांच्या जोरदार कार्याक्रमुळे नि विविध नैवेद्यामुळे बाप्पा नक्कीच खुश झाले असणार !!!

Summer Picnic 2011

Slideshow Summer Picnic 26th june 2011

सर्वांचे मनापासून धन्यवाद ! कार्यक्रम यशस्वी आणि आनंदात पार पडला याविषयी दुमत नाही.
विशेष धन्यवाद अरुण काकांचे , नेहमीप्रमाणेच यावेळेस देखील पुढाकार घेवून आवश्यक त्या गोष्टी वेळच्या वेळी घडवून आणल्या त्याबद्दल.
सुंदर रीतीने कार्यक्रम गुंफला त्या बद्दल योगेश आणि अश्विनी यांचे कौतुक आणि आभार !
सर्वांचा उत्स्फूर्त प्रतिसाद आणि सहभाग वाखाणण्याजोगा होता. खूप सारे व्हरायटी आणि चविष्ट पदार्थ खावून तृप्त वाटले.
मजा आली , धमाल केली. कालच्या दिवसाची खरोखरच अविस्मर्णीय भेट मिळाली !
हवामान देखील स्वच्छ अनुकूल असल्यामुळे दुधात साखरेचा योग आला ! सुरेल गाण्यांची तेव्हढी बरसात झाली !
अमृताच्या गाण्यातल्या 'नभातल्या चांदण्या'ने सर्वांना भिजवून टाकलं. अश्विनी च्या 'दृष्ट लागण्या जोगे सारे'
गाण्यानंतर आम्हीही सुखी संसाराला गालबोट नको लागू देवू म्हणून साकडं घातलं देवाकडे !
अवीट गोड गाण्यांच्या मैफिलीत न्हावून निघायला अजून आवडलं असतं.काहीसे थोडेसे कला सादरीकरण अजून झाले असते तर 'चार चांद' लागले असते.
पप्पांच्या 'अशी पाखरे' स्वरांनी भावूक केलं ! मग मी ही माझं घोडं दामटून एक गाणं ठोकून दिलं (न ऐकून जाताल कुठे लेकहो या अविर्भावात ?)
विनोद सांगण्यासाठी उत्साही कार्यकर्ते सरसावले आणि मग उत्तमोत्तम मनोरंजनाचा खजिना बाहेर पडला हत्ती-मुंगी,
इंटरनेट,नवरा-बायको ईत्यादी .'चीट गेम्स ' मधील पनिश्मेंटस सर्वांनी खेळकर पणाने घेतल्यामुळे त्यातला मजेशीर पणा अनुभवता आला.
'डंब श्यारेडस' मध्ये म्हणी ओळखण्याच्या कार्यक्रमात मात्र सर्वांचा कस लागला , नवनवीन म्हणी त्यानिमित्ताने वापरल्या गेल्या.
बालगोपाळांची देखील मजा झाली , खेळण्यासाठी मैदानाची ची मर्यादा त्यांना नामंजूर असावी, त्या सर्वांनी खूप भटकंती केली.
मराठी मंडळ मध्ये यावेळेस नवीन सहभागी झालेले 'आरीन' चे सर्वांनी जिलेबीचा आस्वाद घेत स्वागत केले :-)
कालचा दिवस खरं तर संपू नये असंच वाटत होतं. मैदानी खेळात रंग चढत येत असतानाच चहाचा पुकारा झाला नि मग मात्र बक्षीस समारंभ नि आभार प्रदर्शनानंतर
सर्वांचा समारोप घेण्याची वेळ आली अशी एक नकोशी वाटणारी जाणीव झाली. खूप काही साठवून ठेवण्यासाठी देवून गेलेला हा दिवस भरून पावला. शब्द थिटे पडतात अनुभव कथन करताना त्याची प्रचिती आली आज हे लिहिताना.
शब्दांची ही मर्यादा जाणून , असाच उत्साह टिकून राहू देण्याच्या विनंतीसह रजा घेतो !
ता. क. (ताजा कलम) :-
पुढील आकर्षण मराठी मंडळ कडून सविस्तर जाहीर होईलच , तेव्हा प्रत्येक नव्याने उगवणारा हा दिवस स्वच्छंदी मनाने जगू या
आणि वितळायच्या आत या आयुष्य रुपी आईस्क्रीम चा आस्वाद मनमुराद लुटुया !
:-)
स-स्नेह,
मंगेश
मराठी मंडळ
ओस्लो, नॉर्वे

Deepawali 2010

आली माझ्या घरी ही दिवाळी.
दिवाळी म्हणजे सगळीकडे उत्साह, चॆतन्य. आकाश कंदील, पणत्या, फ़राळ, पुजा. लहान मुलाना फ़टाके, नवीन कपडे ह्यांची ओढ लागलेली असते. २०१० ची दिवाळी असाच सर्व उत्साह मनात ठेउन सगळे तय्य़ारीला लागले होते.
अमृता – सागर, परेश – प्राची, आश्विनी – सोनाली ह्या मंडळीनी कार्यक्र्म आयोजित केले होते. सोनाली आणी प्रेश ह्यानी उत्कॄष्ट रित्या सुत्रसंचालन पार पाडले. कार्यक्रमाची सुरुवात सर्वांनी एकमेकांची ओळख करत झाली.
व्यासपीठावर येउन आपली ओळख सांगुन फ़राळाची प्लेट घ्यायची असा गमतीदार उपाय काढल्यामुळे प्रत्येकाला व्यासपीठावर येणे भाग पडले आणी त्यामुळे नवीन आलेली मंडळी नीट लक्षात राहिले. फ़राळा मध्ये चकली, चिवडा, लाडु, शेव, शंकरपाळी, पाकातल्या चिरोटया असे सर्व काही होते, त्यामुळे पहिल्यांदाच देशाबाहेर राहीलेल्या मंडळींना आपण दिवाळी चुकलो असे वाटले नाही. अमृता, परेश यांनी प्रश्न मंजुषा तयार केली होती. आश्विनी आणी प्राची यांनी श्री आणी सॊ ह्यांच्यात स्पर्धा आयोजीत केली होती. अमृता, अश्विनी आणी प्राजक्ता ह्यांनी सुंद्र गाणी सादर केली. दीपाने “ती फ़ुल राणी” मधील मंजुळेचे काही संवाद उत्कृष्ट पणे सादर केले. नेहमी प्रमाणेच शॆवी ने केलेले नाच, लहान मुलांचे नाच व गाणे असा विविध गुण दर्शनाच्या कार्यक्रमाने समारंभात बहार आली.
आणी सर्वात सुंदर एक कार्यक्रम झाला तो म्हणजे लहान मुलाना फ़ुलबाज्या उडवायला मिळाल्या, त्यामुळे सर्व मुले सागर काकावर जाम खुश झाले होते.
जेवणातही शाकाहरी आणी मांसाहरी पदार्थांवर सर्वांनी येथेच्छ ताव मारला. सर्वाना दिवाळीच्या पुन्हा एकदा शुभेच्छा देत सर्व मंडळीनी निरोप घेतला.

Video Deepavali 2010

Slideshow Deepawali 2010

Video Amruta Sonandkar 2010

Video Ti Fula Rani 2010

Video Ashwini Nandedkar 2010

Video Prajakta Ranade 2010

Shavi Dance 2010

Shaivi Dance 2010 2

Video Kids Dance 2010

Video Kids Dance II 2010

Video Yogesh & Pallavi 2010

Ganesh Chaturthi 2010

Video Ganesh Chaturthi 2010

Video Shaivi Dance 2010

Video Amruta Song 2010

Video Mangesh Song 2010

Video Saurabh Song 2010

Slideshow Ganesh Chaturthi 2010

Deepavali 2009

Slideshow Deepavali 2009

Slideshow Video Diwali 2009

Diwali Introduction 2009

Diwali Info 2009

Groupdance Video Diwali 2009

Amruta Song Video Diwali 2009

Shaivi dance Video Diwali 2009

Duet Video Diwali 2009

Natika Diwali 2009

Game Video Diwali 2009

Ganesh Chaturthi 2009

Slideshow Ganesh Chaturthi 2009

Summer Picnic 2009

Slideshow Summer Picnic 5th july 2009

Deepavali 2008

Slideshow Deepavali 2008

Bugadi Mazi - Amruta Sonandkar 7 MB

Aakashwani cha Gondhal - Ketaki Tade & Co

Raja Pandharicha - Vishwas Ranade / Tabla by Jayant More

Tichi Chal Turu Turu - Nitiraj Jagdale

Tinka Tinka Jara jara - Sushmita

दिवाळी म्हणजे सर्वांना नातेसंबंधसांगणारी. दिवाळी म्हणजे आनंद, उत्साह, रंगीबेरंगी रांगोळ्या, आकाशकंदील, दिव्यांचा झगमगाट, फ़टाके आणि फ़राळ!
अशी ही उत्साहमय वातावरण देणारी दिवाळी यंदाच्या वर्षी अतिशय अनोख्या रीतीने करण्याचे ठरले. ह्यावर्षी ब-याच मंडळींची वाढ झाल्याने दिवाळीच्या कार्यक्रमासाठी हॊल घेण्यात आला. नवीन आलेल्या तरुण मंड्ळींनी उत्साहाने हॊल सजवला, कार्यक्रमाची वेळ ११ ते संध्याकाळी ५ वाजे पर्यंत अशी ठरवली. बेसन लाडू, चिवडा, सामोसे अशा फ़राळाने सर्वांचे स्वागत झाले आणी मुख्य कार्यक्रमाला सुरुवात झाली.
श्री. अरविंद फ़ाटक यानी मराठी मंडळाचा थोडक्यात इतिहास सांगुन सर्वांची ओळख ’परेड’ झाली. मनोरंजनाच्या कर्यक्रमाची सुरुवात अमृताच्या सुरेल आवाजात सरस्वती मानवंदनेने झाली, त्यानंतर तरुण व रसिक मंडळींनी गाणी व श्री. रानडे यानी कांही गाणी व विनोद सादर केले. नितीराज ने ’हिची चाल तुरु तुरु’ व अमृता ने ’बुगडी माझी सांडली ग’ ह्या गाण्यानी मॆफ़ीलीत जोश आणला. आधल्याच दिवशी पुण्याहुन आलेल्या जयंत मोरे ने व अंकुर ताडे ने तबल्यावर उत्तम साथ दिली.
कार्यक्रमाला वेगळे वळण मिळाले ते एका छोट्याशा नाटिकेने, आकाशवाणीची चार वेगळी प्रसारणे एकदम लागली तर काय गंम्मत होते हे ह्या नाटिकेने सादर केले. त्यानंतर अर्थातच जेवणाचा कर्यक्रम पार पडला. बरेच दिवसांनी आपले घर सोडून परदेशी येउन दिवाळीला रसमलाई खाण्याचा आनंद सर्वांनी उपभोगला.
अशा रितीने ह्यावर्षीची दिवाळी अतिशय उत्साहात पार पडली. दिवाळीच्या शुभेच्छा देत सर्वांनी एकमेकांचा निरोप घेतला.

-केतकी ताडे
ऒस्लो, नॊर्वे

Ganesh Chaurhi 2008

Slideshow Ganesh Chaturthi 2008

Ganesh Chaturthi 2008

दरवर्षीप्रमाणे ह्या वर्षीही मराठी मंडळाचा गणपती बसवायचे ठरले आणी तेही श्री. अरुण ऒरंगाबादकर ह्यांच्या घरी. ह्यावर्षीचे मुख्य आकर्षण होते ते पुरषोत्तम कुलकर्णी ह्याने आणलेल्या गणेश मुर्तीचे! पुरषोत्तम ने भारतातुन छोटीशीच पण सुंदर मुर्ती अगदी नीट जपुन ओस्लो पर्यंत सुखरुप आणली.

सॊ. पल्लवी व श्री. योगेश पुराणीक आणी श्री. अनीरुद्ध धोंडगे ह्य मंडळींनी गणपती साठी एक सुरेख मंदीर बनवले. गणेश स्थापना ह्या वर्षी कामाच्या दिवशी होती तरी देखील बरीच मंडळी स्थापने साठी सकाळी हजर राहीली. संध्याकाळच्या आरतीची वेळ ६:३० ठरली, व कार्यक्रम आणी विसर्जन रविवारी करण्याचे ठरले. ठरल्या प्रमाणे रविवारी अथर्वशिर्षाचे २१ वेळा आवर्तन आणी मग आरती झाली, नंतर सगळ्या मंडळींनी मोदक, श्रीखंड पुरीची पंगत केली, आणी मग झाली कार्यक्रमाला सुरुवात. सॊ. अमृता सोनंदकर हीने एक छानसे शास्त्रीय गाणे आणी पुण्यातल्या घराची आठवण काढुन ’त्या तीथे, पलीकडे’ हे सुंदर गीत सादर केले. त्यानंतर सर्व मंडळीनी गाण्याच्या भेंड्या आणी ’डंब शेराडस’ खेळाची मजा लुटली. छोटया शॆवी ने ’आसावा सुंदर चॊकलेटचा बंगला’ हे गाणे सादर करुन बाळपणीच्या आठवणीत नेउन सोडले.

नंतर निरोप आरती म्हणुन उत्सव मुर्ती तशीच ठेउन सुपारीच्या ग्णपतीचे ’मोर्या ’ म्हणत विसर्जन केले. अशात-हेने गणपती बाप्पा गेल्याचे दुख: आणी सगळी मंडळी भेटल्याचा आनंद घेत सर्व मंडळी घरी परतले.

Slideshow Summer Picnic 21 june 2008

Summer Picnic 21st june 2008

- केतकी ताडे, ऒस्लो

Kavdekar Mami by Deepa Tade 4 MB